BASECAMP është një platformë ndërvepruese në dispozicion të profesionistëve dhe komunitetit, që ka marrë jetë falë inisiativës së përbashkët të një grupi partnerësh nga Shoqata Barleti, Fakulteti i Shkencave Sociale, Turizmit dhe Sportit & Fakuleti i Shkencave Mjekësore/ Universitetit Barleti dhe Qendra YouthAct. Platforma BASECAMP synon të bëhet zëri i çdo kujt që ka dëshirën për të mësuar dhe kapacitetin për të kontribuar në zhvillimin e iniciativave domethënëse në rang kombëtar, të cilat promovojnë rëndësinë e sportit në përmirësimin e shëndetit fizik dhe mendor të komunitetit dhe në garantimin e edukimit të vazhduar për ta kthyer sportin, aktivitetin fizik dhe rekreacionin e shëndetshëm në mënyrë jetese.
Të promovojë sportin dhe aktivitetin fizik si komponentë të rëndësishëm për përmirësimin e cilësisë së jetës, mirëqenies fizike dhe mendore të çdo individi në shoqërinë shqiptare.
BASECAMP bën bashkë një sërë partnerësh nga:
Shoqata Barleti, një shoqatë jofitimprurëse që punon me përkushtim për të promovuar sportin, aktivitetin fizik, rekreacionin, turizmin dhe për të edukuar komunitetin mbi rëndësinë e tyre në përmirësimin e shëndetit dhe mirëqenies, si edhe mbi vlerën e adaptimit të një stili të shëndetshëm jetese.
Universiteti Barleti (UniBa) është institucion jopublik i arsimit të lartë në Shqipëri, i themeluar në vitin 2005. UniBa ka për qëllim të ofrojë studime universitare në cikle të ndryshme dhe në përputhje me Kornizën Shqiptare dhe atë Europiane të Kualifikimeve, të bazuara në kërkim e inovacion, si dhe të lidhura ngushtë me praktikën e aplikimin, për të përgatitur teknikë, specialistë dhe ekspertë të mirëformuar.
Institutet që operojnë nën ombrellën e UniBa synojnë të promovojnë vlerat dhe praktikat demokratike, angazhohen për ndërgjegjësimin dhe edukimin e komunitetit, monitorojnë dhe analizojnë strategjitë dhe politikat e ndryshme, ofrojnë konsulencë dhe ekspertizë të kualifikuar dhe të pavarur për çështje politike, sociale, ekonomike dhe ligjore që lidhen drejtpërdrejt me interesin publik dhe me zhvillimin e vendit.
Poliklinika Me qasjen për të sjellë një praktikë jotradicionale, poliklinika Barleti nën drejtimin e një stafi mjekësor me eksperiencë të gjatë profesionale dhe akademike risjell vëmendjen ndaj shëndetit fizik dhe ofron shërbime mjekësore cilësore.
Rafting është nga ato eksperinca që duhet provuar patjetër në jetë. Rafting është një eksperiencëkrejt ndryshe, e mbushur me energji, rrahje të forta zemre dhe adrenalinë.
